3. SAKONTZEN: Wikiei buruzko info gehiago

3. SAKONTZEN: Wiki baten oinarrizko lementuak

3. SAKONTZEN: EDUTEKA - WEB 2.0

Web 2.0 delakoa, zerbitzu eta aplikazio bateragarriak dituen web proposamena da: blogak, bideoak elkarbanatzea, sare sozialak, podcastinga, wikiak, RSS, ... Interkonexio soziala, lehen baino handiagoa da, askoz; erabiltzaileak, informazioa, jasotzen duen neurri eta une berean gehitu zein aldatu dezakeen gunea.

Bloga: web gune bat da, postak edo sarrerak unean unean publikatzeko aukera ematen duena:

Irakurleei komentarioak egiteko aukera ematen die.
Sarrerak, kronologikoki bilduta geratzen dira, berrienetik hasita.
Sarrerak etiketatu egiten dira, eta “tag” bidezko bilaketa ere ahalbidetzen du.
Loturen bidez, beste blogetako informazioa elkarbanatzen da.
Permalinkak: zaharkiturik geratzen ez diren behin betiko loturak dira.

Trackback edo pingback: RSS bidezko sindikazioa: sortzen dugun informazioa, hura erakutsi nahi duten beste blogetan erakusteko aukera ematen duen informazio bideratzailea.

Wikia: web gune bat edo web guneen multzoa da, baimena duen edozeinek edonondik eguneratu dezakeena. Talde lanaren bidez osatzen den weba da, eta partaide guztiek dute beraien zein besteen lana editatzeko aukera. Hau dela eta, segurtasun gisa, egindako lana edo egoerak berreskuratzeko aukera ematen du. Wikipedia da adibiderik ezagunena.

Etiketatzea edo “Social bookmarking”: Etiketa, objektu digital bati ezartzen zaion gako hitza da, baina ez modu formal edo aurrez hitzartutako batean, norberak askatasun osoz, iruditzen zaion moduan baizik. Etiketa errepikatuenek, letra tamaina handiagoa lortzen dute. Azken batean, “gogokoenak” sozial baten antzeko zerbait litzateke.

Folsnomy: Web helbidea duen edozein eduki digitalen etiketatzearen emaitza da, banakoa eta librea. Helburua, behin ikusi eta etiketaturiko eduki bat etorkizunean berreskuratzea da.

Multimedia Sharing (Elkarbanatze multimedia): Multimedia motako edukiak biltzen dituzten guneak dira: flirk, you tube, Odeo (podcast-ak),… Gaur egun milioika lagunek elkarbanatzen dituzte multimedia produktuak. Multimedia produktuak sortzeko, gizarte garatuetan behintzat, tresneria guztia esku eskura erabiltzen dugu eskuko telefonoetan, argazki kameretan, … Gainera, sarean elkarbanatzeak ez du kosturik suposatzen, eta horratx arrakastaren zergatietariko bat.

Audioblogginga eta podcastinga: Podcasta “Ipod” eta “broadcast” (emisioa) hitzen elkartetik dator. Podcasta mp3 formatuko soinu artxibo bat da, zerbitzari batean kokatzen duguna, eta haren berri rss bitartez ematen dugu. Podcast kontsumitzaileak, RSS jarioa eskaintzen duten zerbitzuetan izena ematen dute, eta hartara, edozein berrikuntzen berri jasotzen dute. Hezkuntzan, podcastak egokiak dira hizkuntzak ikasteko.

RSS ETA Sindikazioa: RSS irakurtzeko programatxo bat erabiltzen duenak, informazio jario mota hau eskaintzen duten web guneetan eguneratzen diren berriak jaso ditzake, jatorrizko web guneetan sartu beharrik gabe. Web gune jakin bateko informazioa, izen emate baten bidez hitzartzen da.

3. SAKONTZEN: “La tecnología y el aprendizaje en las aulas de las escuelas para el pensamiento”

Pentsamendu eskoletan, hezkuntza, ikaslean eta ezagutzan oinarriturik dago.Hauen ezaugarri nagusietariko bat “hezkuntza komunitatea” osatzea da, irakasle eta ikasleen artean adosturiko helburuak lortu ahal izateko.

Eskola hauetan ematen den metodologia berezia da.Irakasleak gaur egungo gizartean egon daitekeen arazo bat aurkeztuko du eta ikasleek ikertuz, teknologiaren erabateko laguntza izango dute, hau baita jarduera ororen oinarria, nahiz eta teknologia tradizionalek ere, idazketak, liburuak, etab-ek beren garrantzia izan.

Baina zergatik ematen da teknologiaren erabilpena?

1-Ariketa edo arazo ezberdinak planteatu ahal izateko.
2-Ikasleen ikaskuntza hobetuko duten egiturak direlako.

Gelan senti daitezkeen isolamendutik urrundu eta teknologiaren bidez ikaskide, guraso zein munduarekin komunikatu ahal izateko.


Ikasle askori kosta egingo zaie testuetan agertzen diren egiturak ulertzea.Teknologia berri hauek aldiz, bideoaren kasua adibidez, beste ikuspuntu bat eskeiniko die eta errazago suertatuko zaie irakasleak planteaturiko arazoa ulertzea.Honetarako hainbat programa eta software berri sortu dira.Hauek irakasleen lana erraztuko dute, jarritako arazoaren erantzunak lortu ahal izateko beharrezkoa den informazioa bilatuko baitute.Hauen artean ditugu: Notetaker, CSILE, Jasper Adventureplayer edota SMART.

Eskola hauetan komunitate birtualak sortzera bultzatzen da.Bertan ikasleek elkarrekin lan egingo dute, bai gelan bai gelatik kanpo ere.

Gelan, talde txikiak osatuz, ikasleek elkarren arteko laguntza izango dute informazioa beraien artean banatu ahal izateko.Gelatik kanpo, aldiz, komunitatea zabalagoa izango da eta bertan ikasle eta irakasleez gain gurasoek ere parte hartu ahal izango dute.Gurasoek beraien esperientziak plazaratuz ikasleen informazio pilaketa handituko da.

Guzti honekin, irakasleek teknologiaren beharra ikusiko dute elkarrizketak, debateak, etab. sortzeko.Gainera teknologia hau erabiliko dute hausnarketa txiki bat egin ahal izateko, hau da, datu basean ezarri daitezkeen galderen, iruzkinen eta argibideen kopurua handitzeko aukera izango dute.

Etorkizuna teknologiari loturik dator eta beraz, irakasleek ere gizarte moderno honetan murgiltzeko teknologia berri hauek erabiltzen jakin beharko dute.


“Aula y docentes”

Gela barruan bultzatu nahi dugun talde-lanak honako oinarriak behar ditu:

1. Edozein talderen hezkuntza maila kontuan artesa.
2. Ikasleen parte-hartzea suistatzea.
3. Gelako elkarbizitza hobetzea eta eskola porrota saihestea.

Guzti hau lortzeko irakasleak betebehar batzuk jorratu beharko ditu, hau da, ariketak planteatzea, ikasleen arteko harremanak behatzea, beharrezko diren elkarrizketak mantentzea eta pixkanaka ariketen gaineko controla ikasleei ematea.

Taldekako lanak beharrezkoak dira gelan sortu daitezkeen arazoak konpondu ahal izateko.Gainera, metodologia honen bitartez, iritzi ezberdinak ezagutzeko eta entzuteko aukera emango die ikasleei eta talde lanean sortu daitezkeen arazoen aurrean konponbide soluzioak bilatuz.Honetarako hainbat “balore” ikasi beharko dira, horien artean, lagunari entzuten jakin, iritziak onartzen eta txandak errespetatzen jakin, talde lanean gehiago eta hobeto ikasten dela barneratu, etab.

Metodologia honen bitartez ikasleak motibatuagoak aurkituko dira ikasteko eta gainera beste ikaskideen esperientzien berri izatekoa aukera izango dute.Lana eta ardura taldean banatuko da eta ondorioz, lorturako aurrerapausoak eta porrotak denen artean banatuko dira.

3. SAKONTZEN: Sistema Informatikoak

3.- TESTUEN SINTESIAK


SISTEMA INFORMATIKOAK

Informatikaren sarrera

Informatika hitza informazioa eta automatika kontzeptuen arteko loturatik dator.

Ordenagailua: Hasiera batean kalkulu matematikoak automatikoki egiteko sortu zen informazioa kudeatzeko tresna programagarria da.

Informatikaren bilakaera historikoa

1.go belaunaldia (1940-1952) – Huts balbulez osaturikoak

2.go belaunaldia (1952-1964) – Transistoreak erabili

3.go belaunaldia (1964-1971) – Zirkuitu integratuak erabili

4.go belaunaldia (1971-1981) – Oinarrizko elementuak mikroprozesadoreetan bildu eta periferikoak hobetu

5.go belaunaldia (1981-…) – Ordenagailu pertsonalaren sorrera

Ordenagailu pertsonaletako azken aldaketek bitartekari grafiko eta multimedia-sistemekin dute zerikusia, erabiltzaile eta ordenagailuaren arteko komunikazioa hobetuaz. Internetek ere aldaketa handia ekarri du.

Sistema informatikoa: softwarea eta hardwarea

Osagari fisikoak: Hardwarea

- Prozesadorea: Unitate aitmetiko-logikoa; Kontrol unitatea; Erlojua; S/I unitatea

- Memoria: Kanpoko biltegiratze-memoriak; Memoria nagusia

- Sarrera/Irteera unitateak (SI) eta Busak: Ordenagailuaren prozesadorea eta beste barruko osagaiak periferikoekin eta biltegiratze memoriekin komunikatzeko

- Periferikoak: Erabiltzailearen eta ordenagailuaren arteko bitartekariak dira, erabiltzaileak datuak edp programak sartu, atera, biltegiratu eta inprimitzeko.

Osagai logikoak: Softwarea

- Softwareak 3 informazio mota erabiltzen ditu: Datuak; Sistema eragileak; Aplikazioak

- 2 software mota: - Aplikazioetara zuzendutakoa (datu baseak, testu editoreak,...)

- Sistemaren softwarea (sistema eragileak, utilitateak,...)


SISTEMA ERAGILEA

Sistema eragileak sistema informatikoen hardware-gailuak kudeatzen ditu, alde batetik sistemaren ulermena eta erabilpena errAztuaz eta beste aldetik konputagailuaren funtzionamendu egokia ziurtatuaz.

Funtzioa

Sistema eragilearen funtzio nagusia konputazio sistema osatuko duten Aplikazio programen, hardwarearen, erabiltzaileen eta sistema eragilea beraren arteko komunikazioa bermatzea da, bera izango baita konputazioa sistemako baliabideen kudeatzailea.

Funtzioen artean aipa genitzake programak kudeatu eta exekutatzea, periferikoak kudeatzea, erabiltzaileak kudeatzea, prozesuak kudeatzea, sistema eta aplikazio-akatsak kudeatzea eta segurtasuna kudeatzea.

Osagaiak

Oinarrizko 3 osagaiak: Nukleoak (kermela), Zerbitzuak, Komando itzultzaileak (shella)

Sistema eragileen belaunaldiak

1.go belaunaldia (1945-1955) – Huts balbulez osaturikoak

2.go belaunaldia (1955-1965) – Transistoreak erabili

3.go belaunaldia (1965-1980) – Zirkuitu integratuek transistoreak ordezkatu

4.go belaunaldia (1980-...) – Ordenagailu pertsonalen garaia

Sistema eragileen bilakaera

- Zatikako prozesaketa: Komando edo programa multzoak era jarraituan bata besteraen atzetik exekutatzeko diseinatua.

Ondoren askotariko programazioak sortu ziren, non, programa bat S/I prozesu baten zain dagoen bitartean, beste programa bat exekutatzea bermatzen den.

- Denbora banatuko sistemak: Erabiltzaile ezberdinek sistema informatiko bera aldi berean erabiltzeko aukera ematen dute.

- Denbora errealeko sistemak: Eragiketa bat-batean prozesatu eta emaitza eskaera tekleatu bezain azkar lortzen da. (erabiltzaile bakarreko sistemekin lotuak daude)

- Sistema pertsonalak: Erabiltzaile bakarrekoak eta ataza bakarrekoak ziren lehenengo sistema eragileak.

- Sare sistemak: Konputagailu ezberdinen informazioa eta baliabideak elkarbanatzeko. (konputagailu bakoitzak sist. Eragile propioa du)

- Sistema banatuak: Hauek erabiliz, lan eta prozesuak konputagailu ezberdinen prozesadoreen artean banatuko dira.

Sistema eragileen sailkapena

- Erabiltzaile kopuruaren arabera: Erabiltzaile bakarrekoak eta Erabiltzaile askokoak (hainbat erabiltzailek konputagailuan baliabideak “batera” erabiltzen dituztenean)

- Ataza eta prozesu kopuruaren arabera: Ataza bakarrekoak (sistemaren baliabideak exekutatzen den programa bakarrarentzat direnean), Ataza askokoak eta Ataza asko eta denbora partekatuko sistema eragileak.

- Prozesadore kopuruaren arabera: Prozesadore bakarrekoak eta Prozesadore askokoak.


Bestalde, sistema eragileek azken urteetan izan duten bilakaeraren inguruan esan genezake bi sistema eragile mota garatu direla: Software librea eta Software ez librea.

Sistema eragile jabedunak diogunean software ez libreaz ari gara. Ordaindu egin behar dá eta barruko kodea ezin da ezagutu. Ezagunenak Microsoft enpresarenak dira. Sistema eragile librea diogunean software libreaz ari gara eta kasu honetan barruko kodea librea da eta edozeinek aurretik egindakoa bere beharren arabera garatzen jarraitu dezake, hasieratik hasi gabetanik. Ezagunena GNU/LINUX bezala ezagutzen dena da.

Sistema eragileak hiru familia nagusitan banatu genitzake:

• UNIX eta GNU/LINUX



• MICROSOFT



• IBM (MVS, OS/2)

3. SAKONTZEN: Ordenagailu sareen osagaiak

1) SARRERA:

Ordenagailu sarea: baliabideak komunikazio sare baten bitartez partekatzen dituzten hardware ekipo desberdinen multzoa da. Hau da, telefono edo antzeko sistema baten bidez konektaturik dauden ordenagailu, inpresora, zerbitzari… multzoa.

Sorreraren arrazoia:

· baliabideak konpartitzeko beharra.

· lurraldeko puntu ezberdinetatik informazio kantitate handietara sartzeko beharra.

Aurrekariak:

• ARPANET: AEBKo defentsa departamentuak militar gaiak era ziur eta konfidentzialean komunikatzeko sortu zuen sarea.
• NSFNET
• INTERNET

Gaur egungo egoera:

• Informazio kopurua eta ordenagailu sareen osagaiak konplexutasuna ikaragarri hasi da.
• Erabiltzaile kopurua handitu da eta sarean dagoen informazioaren segurtasuna arazo bilakatu da.
• Erabiltzaileak gaur egun informazioa ugariaren aurrean aurkitzen direnez, informazioa gestionatzen ikasi behar du eta tresna eta teknika informatiko batzuek maneiatzeko gai izan beharko da.

2) HELBURUAK:

• Kostuen murrizketa
• Produktibitatearen hazkuntza

3) ORDENAGAILU SAREAREN OSAGAIAK:

Multzo nagusiak:

· Hardware: ekipo informatikoa (Ordenagailua, periferikoak, inpresora …)

· Software: zerbitzuak.

Osagaiak:

• Interfaz/txartela: ordenagailu barruan da eta sare batera konexioa ahalbideratzen du.
• Modem: tresna modulatzailea da eta telefono bidezko sare publiko baterako konexioa ahalbideratzen du.
• Kontzentratzailea: sarearen elementu aktiboa da eta ordenagailuak bata bestearekiko konektatzen ditu.
• Konmutadorea: kontzentratzailearen antzekoa den arren desberdintasuna bat dauka, ez duela trafikoa kontzentratzen, konmutatu baizik.

• Router: sare ezberdinen interkonexioa ahalbideratzen du.
• Bridge: espazio fisikoak bi edo segmentu gehiago gertu egoten uzten ez duenean elementu hauen interkonexioa ahalbideratzen du.
• Latigiloa: txartelak sareko elementu aktiboekin elkartzen ditu.
• Gateways: sare lokal eta ordenagailu handien arteko komunikazioa ahalbideratzen du.

4) ORDENAGAILU SARE MOTAK:

Extensioaren arabera:

· Lan: tamaina txiki-ertaineko sareak. Ordenagailu gutxi ditu konektatuak.

· Ban: eraikuntza bateko sareak biltzen ditu.

· Can: Ban ezberdinak biltzen ditu. Adibidez: kanpusetan erabiltzen diren sarean.

· Man: Metropoli handietako zonaldeak konektatzen ditu.

· Wan: Man ezberdinen interkonexioa ahalbideratze du.

Abiaduraren arabera:

· Wan: azkarrena-garestiena

· Lan: motelena-merkeena.
Topologiaren arabera (ikus eskema 80.orrialdea):
· Zuhaitz forma: kable bidezko operadorearen sarea.
· Eraztun forma: zerbitzu askotariko clusterretan edo sareko errekurtso asko gordetzen dituen serbidorea.

· Bus forma: Etherneten oinarrituriko LAN sarekoak.

· Malla: ziurtasunagatik nodo konexioa puntutik puntura konektatua dagoen sarea.

· Izarra: nodo guztiak nodo zentral batera konektatzen duena.

Teknologiaren arabera:

· kablegabea: espektro radioelektriko eta infragorrien bitartezkoa.
· Optikoak: fibra optikoaren bitartezkoa.

· Elektrikoak: kobre ileen bitartezkoa. Adibidea: ADSLa.

5) KABLEATU ESTRUKTURA:

Eraikuntza barnean kable bitartez komunikatzen diren egiturei deritzaile.

Motak:
· Horizontala: pisu bateko eraikuntzan ematen diren kableatuak.

· Bertikala: pisu ezberdinak konektatzen ditu kableatuak.

Zerbitzaria: sarearen leku batean kokatzen den ordenagailua da eta sareko beste ordenagailuek informazioa eskatzen diotenean informazioaz hornitzen die.

Bezeroa: zerbitzariarekin komunikatzen da eta informazioa eskatzen dio.

Zerbitzariak eskain ditzaken zerbitzuak:

· Inprimagailua: erabiltzaileek inprimagailuak partekatzen dituzte.

· Artxiboena: erabiltzaileek disko gogorra eta biltegia partekatzen dituzte.

· Lotus notes: erabiltzaileak momentu berean datu, dokumentu eta bestelako artxiboak erabiltzen eta partekatzen dituzte.

· Web: orrialde webak partekatzen dituzte.

7) SARE ZERBITZUAK:
Sare batek operatzen uzten dituzten zerbitzu guztiak: disko gogorra, posta elektronikoa, direktorioa, base datuak …

3. SAKONTZEN:

IKASKUNTZA KOLABORATIBOA ETA IKTak

IKT-ak irakaskuntzan txertatzeak irakasteko metodologia aldatzea eskatzen duela badakigu.

Ez dira urte asko IKT-ak ikastetxean txertatu ziren lehen esperientziatik, baina denbora tarte horretan hiru ikuspegi nagusi nabarmendu dira.

1.- Trebakuntza prozedurak edo Computer Aided Instruction (CAI)

Tresnen erabilera konduktista da, 60. hamarkadan sortua. Ikaskuntzaren ikuspegi mekanikoa da. Ariketak eta galdera-erantzun saioak erabiltzen dituzte gai bat azaltzeko eta ikaslearen ulermen maila neurtzeko. Ikasleari, bere erritmoan ikasteko aukera ematen diote. Modu honetako aplikazioek ikaskuntza prozesuaren egitura lineala proposatzen dute. Egungo programek erantzun zabalak onartzen dituzte, bai eta ikaslea bakoitzaren ikaskuntzaren araberako garapen desberdinak aplikatu. Ebaluazio saioei dagokienez, emaitzen arabera, ikasgaia errepikatu arazi, hurrengora pasatzen utzi edo ikasi beharrekoa indartzeko ariketak proposatzen dituzte.

2.- Lan kooperatiboan oinarrituriko prozedurak (CSCW)

Aurrekoaren kontrapuntu gisa sortua, IKTen gaineko jakintzaren aplikazioa modu konstruktiboan eraikitzea planteatzen duen ikusmolde interdiziplinarra da. Ikasleak, informazioa jaso baino, eraiki dezan du helburu, baina ez du ikaskuntza ekintza sozial modura ulertzen. Taldean lan egitea proposatzen du, bai, baina eginbeharren banaketa eta taldeko partaideen arteko koordinazioa dira proposamen nagusia. Ikaskuntza, ikasleek aurrez koordinaturiko lanaren baitan dago.

3.- Kolaborazioan oinarrituriko prozedurak ( CSCL)

Ikusmolde honek, kontzeptu berriei eusterakoan, eztabaidaren bidez norbanakoen zein taldeen abileziak garatzea bilatzen du. Aldi berean, pertsona bakoitza bere ikaskuntza prozesuaren arduradun nagusia da. Teoria askotan oinarritzen da, tartean Piagetenak eta Vygotskyrenak direlarik). Berrikuntza nagusia, pertsonen arteko kolaborazioa sustatzeko sare birtualak eta IKTak erabiltzea da. Arazo konplexuei irtenbidea bilatzea da proposatzen dena, bakarka, talde txikietan zein handietan. Zailtasun handiena, diziplina arteko (interdisciplinar) ekintza izateak dakar: irakasleak, ikasleek, kurrikulumaren diseinatzaileek, ikerlariek, sistema garatzaileek,... Denek elkar ulertzea ezinbestekoa da.

Kolaborazioan oinarrituriko prozedurak ( CSCL), konstruktibismoan oinarrituak eta ikaskuntza prozedura sozial modura ulertzen dituztenak dira.

Kooperazioan, helburu komun batzuk lortzeko, taldeka egiten da lan, baina banakoak helburuak lortzekotan, gainontzeko guztiek ere lortu behar dituzte.

Kolaborazioak, aldiz, ez du zertan talde lana izan behar. Ikaskuntza kolaboratiboa gerta dadin, honakoak dira baldintzak:

* Banakoaren ahalegina ezinbestekoa da taldearen arrakastarako.

* Elkarlana, elkar harremana eta elkarri laguntzea ezinbestekoak dira.

* Ardura, norberekiko eta taldearekiko ardura.

* Abilezia sozialak egoki erabiltzea. Konfiantza giroa ezinbestekoa da.

* Taldean eginiko hausnarketak ezinbestekoak dira ideia komunak (helburu gorena) atera nahi badira.

Kooperazioan oinarrituriko prozeduretan, irakaslearen kontrola maximoa da: talde lanerako eginbeharrak finkatu, beharrezkoa den informazioa banatu, metodo konkretuez lana egituratu eta talde lanak eman beharreko emaitza jakinarazten du.

Kolaborazioan, taldeek lan metodologia finkatzeko askatasun handiagoa dute, baita zein informazio behar duten erabakitzeko ere. Irakasleak, bitartean, prozesuan zehar lagundu egingo die. Prozedura irekia da, baina iparrorratza, galdera eragile bat izango da.

KOLABORAZIOA GELAN. OINARRIZKO PRINTZIPIOAK:

1.- Testuinguruaren, ikasleen ezaugarrien eta irakasleen ezaugarrien azterketa.

2.- Metodologia hautatu: ikasgaia aurrera eramateko, metodologia desberdinak konbina daitezke: helburu batzuk lortzeko teknika konduktistak, besteetarako kolaborazioan zein kooperazioan oinarrituak.

3.- Beharrezkoak diren IKTen aukeraketa.

4.-Prozesu osoaren plangintza:

• Aktibitateen sekuentziazioa
• Ikasleekin tutoretza eta ebaluaketa saioak
• Prozesuaren ebaluazioa

5.- Beharrezko materiala prestatu.

6.- Prozesua martxan jarri eta prozesuaren ebaluazio jarraitua egin.

8.- Prozesu osoaren ebaluazioa eta feedbacka.

KOLABORAZIOAN OINARRITURIKO PROZEDURAK. TEKNIKAK.

JIGSAW:

Banakoak taldearekiko izan beharreko ardura sustatzea. Arazoa zatikatu eta taldekideen artean banatzen da. Ondoren, lanketa guztiak batzen dira eta berregituraketa baten bidez, taldean egin beharreko analisirako prestatzen da.

BRAINSTORMING:

Arazo jakin batekiko ideia anitzak baina konkretuak biltzean datza. Segidan, ideia batzuei eutsiz eta besteak baztertuz, soluzioa kontsentsuz bilatzea.

PIRAMIDEA:

Soluzio konkreturik ez duten arazoentzat. Kontsentsua bilatzen da, baina eztabaida sustatu ondoren. Ikasle bakoitzak, irtenbide propioa ematen dio arazoari. Ondoren, taldeka (normalean bikoteka), eztabaidatu eta kontsentsu berria ateratzen da. Horrela, talde handi bakarretik irtenbide bakarra atera arte.

KOLABORAZIOAN OINARRITURIKO PROZEDURETAN ERABILI BEHARREKO IKTen NOLAKOTASUNA:

• Errazak eta eraginkorrak: Ezin dugu teknologia konplexuak ikasten denborarik galdu.
• Aurrez zein bestela eginiko lanak berrerabiltzen utziko diguna.
• Informazioa antolatzeko modua emango diguna.
• Ikasleen ebaluazioari lagunduko diona. Ikasleak uneoro jakin behar du lanaren zein fasetan aurkitzen den.
• Produktu konkretuak elkar lanean sortzen utziko duena (wiki moduan)
• Prozesuaren ebaluazioa erraztu behar du
• Tutoretza eta elkar komunikazioa erraztu behar ditu.
• Ikasleari erabakiak hartzen lagundu behar diote, eta jarrera hori sustatu.
• Open source izatea komeni. Lizentzia pribatuak saihestu.
• Egonkorra izan behar du eta hobeto ongi testatutako bertsioekin aritu, ezagutzen ez ditugun eguneraketa berriekin baino.
• Lanaren fase, etapa eta eginbehar guztiak modu argian azaldu behar ditu.
• Teknologiak ezin du hezkuntza lana oztopatu.
• Tresna guztiak plataforma bakarrean integratzea komeni da.

ESZENATOKI BERRIA, EBALUAZIO MODU BERRIAK:

Ebaluazio iturri mixtoekin jokatu beharra dago.

Teknika kuantitatiboak: Gertakarien bilketa automatikoak

Teknika kualitatiboak: obserbazioak, galdeketak eta eztabaida taldeak.

2. ANALIZATU

Zer da lankidetza ikaskuntza?

Talde lanean, taldeko partaide guztien banakako ahalegina batu, analizatu eta adostu ostean, emaitza batzuk lortzea. Bide horretan, taldekide guztien ikaskuntza esperientziak esanguratsua izan behar du. Banakako prozesuan ikasi egin behar dute, baita besteek egindako lanetik eta azkenik, guztiok batera lorturiko emaitzatik ere. Lankidetza ikaskuntzan, ikasleek ezagutza deskubritzea da helburua; uneoro, eginez ikastea. Irakaslearen papera oso garrantzitsua da baita ere, ikaskuntza prozesu guztiak zehar ikasleak laguntzeko, aholkatzeko eta gidatzeko prest egon beharko baitu.

Nola bilatu, antolatu eta konpartitu ditzakegu modu eraginkorrean informazioa eta materialak?

Bilatzeko, internet daukagu, baina sarea zabalegia da, eta bilatzen dugun informazioak, Lehen Hezkuntzako ikasleen kasuan behintzat, izan behar du: zehatza, argia eta fidagarria. Beraz, ikasleek ikasi beharko dute zein informazio iturrietara jo, eta irakasleak ere ezagutu beharko ditu. Bestetik, lanak egiterakoan erabiliko dituzten euskarrien aukeraketa dago, eta irakasleak jakin beharko du, lehen esan dugun bezala, bateragarritasun handienekoak zein diren. Alegia, zein euskarrik utziko dien argazkiak, loturak, bideoak edo testuak txertatzen, editatzen … Azken batean, hargatik edo honegatik, zein diren tresnarik egokienak, bai lana antolatzeko garaian, eta bai lana konpartitzerakoan ere (web gunea sortu, bloga, berria egin edo ikastetxekoa erabili, sarean jarri bai/ez, …). Iruditzen zaigu, baita ere, irakasleak kontuan hartu beharko dituela sarean ere garrantzitsuak diren egile eskubideak eta horrelakoak: erabiltzen diren euskarriei dagokienean bezalaxe (gehienetan erabilera librekoak izaten dira), horietan txertatzen diren irudi, bideo, testu eta abarrekin.

1. ULERTU

Zein tresna teknologikok laguntzen digute lankidetzan ikasteko?

Lehenengo lanean ikusi dugunez, ordenagailuak gelan sartze hutsak ez du hezkuntza kalitaterik hobetzen; lan metodologia ere aldatu beharra dago. IKTak erabiliz, ikaskuntza esanguratsua sustatzea da helburua, eta lehenengo gaia lantzeko izan ditugun zenbait irakurgairi erreparatuta, helburu hori lortzeko, lankidetza eta talde lana bide egokiak izan daitezkeela ikusi dugu. Horretarako tresna egokiak? Bada, talde lanerako aukerak eskaintzen dituztenak izango direla pentsatzen dugu, bai eta bateragarritasun (compatibilidad) altukoak ere. Web 2.0 kontzeptua ere lehenengo lanetik ezagutzen dugu, EAEn hiru urte baitira eskola 2.0 proiektua martxan dela, hainbat ikastetxe publiko eta kontzertatutan. Beraz, web 2.0 tresnak izango direla aurreratzera ausartzen gara, baina ez dakigu zenbat eta zeintzuk diren. Asko izango direla iruditzen zaigu, eta ziurrenik geroz eta gehiago. Guk ezagutzen ditugunak: blogak (agian blog mota guztiak ez dira web 2.0 kontsideratzen…), you tubeko bideoak (formatu jakin bat daukaten bideoak izango dira…), …

Horietaz gain, arbel digitalak, kanoiak eta edukiak azaltzeko balio duten euskarri guztiak erabilgarriak izango direla iruditzen zaigu, baina erakutsi, editatu, moldatu edo azken batean sortu nahi ditugun produktu horien FORMATUAK gaur egun garrantzi handia daukatela iruditzen zaigu, arestian aipatu dugun bateragarritasunarengatik.

5. ONDORIOAK

Hasteko, esan beharra daukagu lehen lan hau (teknografia) oso interesgarritzat jotzen dugula. Alde batetik, aztertu beharrekoa “zer prestakuntza teknologiko behar du LHko irakasle batek?” galdera erantzuten jakitea gure etorkizun hurbilerako baliagarria delako. Bestetik, tesia ateratzeko erabilitako prozesua bitxia, originala eta garai digital honetarako erabat aproposa iruditu zaigulako. Orain arteko lan gehienetan ideia nagusiak eta tesia modu idatzian aurkeztea eskatzen zitzaigun baina teknografiaren bitartez hitz, soinu eta irudien bitartez mezu esanguratsuago bat eraikitzea lortu dugu. Gainera, prozesuan LHko irakasle batek ezagutu eta maneiatu beharreko hainbat tresna eta baliabide (informazioa bilatu, partekatu, web 2.0 tresnak…) praktikan jartzeko aukera izan dugu.

Taldearen dinamikari dagokionez, hasieran martxa hartzea pixka bat kostatu zitzaigun arren, bakoitzak bere papera oso ongi barneratu du eta orokorrean ongi koordinaturik lan egin dugu. Denbora gehiena teknografiako esaldiak eraikitzen pasa dugun arren lortutako emaitzarekin oso gustura gaude. Akaso, irudien erakargarritasun mailean ibili gara apur bat erren, baina denbora faltagatik izan da batit bat. Dena den, ohartu gara zeinen garrantzitsua den aurkezpen txukun bat egitea, eta horrelako produktuek zenbat daukaten bisualetik.

Irakasleak eman dizkigun baliabideei dagokienez, irakurgai eta bideo guztiak baliogarriak izan direla deritzogu eta ideia nagusiak lanean plasmatzen saiatu gara.

Gelako taldekideen teknografiei dagokionez, honako ideiekin geratu gara:

* “Teknologia berriak” kontzeptua okerra da.

* IKTen garapenak eta gizartean izandako onarpenak, gizakien arteko erlazioak aldatu ditu.

* Gaininformazio egoera batean bizi gara.

* Sormena oso garrantzitsua da IKTekin lan egingo duen irakaslearentzat.

* Multialfabetizazioa oso kontzeptu zabala eta aldakorra da.

* Arrail digitala deritzonak, garai konkretu bat markatzen du gizakiaren historian.

Gure teknografiari dagokionean, “hiritartasun digitala” kontzeptua sumatu zuen faltan irakasleak, eta diapositiba bateko esaldi baten bigarren zatian aipatzen genuen arren, mezu horri indar eta presentzia gehiago eman diogu, lehen bakarra zenetik bi diapositiba sortuz.

Bukatzeko, oso ariketa interesgarria eta probetxuzkoa dela esan dezakegu. Talde bezala , gainera, lehen lan honekin hain gustura sentitzeak, datozenei indarberriturik eta gogotsu eusteko motibatzen gaitu.

4.ERAIKI: Teknograma

Lehen Hezkuntzako irakasle bezala, zein formakuntza teknologiko behar dugu? on PhotoPeach

Natibo digitalak. Zenbait adibide

Urriak 12tik 16rarteko eginbeharrak

Aupi!

Asteartean hitzartutakoaren arabera ona hemen eginbeharrekoak:

Aitor: beharren zerrenda borobildu eta Aneri abixatu.
Ane: postak kronologikoki ordenatu
Iker: 7-8 argazki baliogarri photopeachea igo eta linkak apuntatu
Egoi: Musikaz arduratu
Bakoitzak ostiralerako(12pm) 4 diapositiba berri egin beharko ditu. Eta erabiltzen diren ideia nagusiak doceko taulatik ezabatu beharko dira (bakoitza bereaz arduratuko da).Larunbatetik igandera laurak teknograma mejoratzen arituko gara.

Geroarte!

Hezkuntza eta IKT-ak

Hezkuntza eta IKT-en arteko lotura erakusten digute ondorenean dituzuen bideo labur hauek:

Sarean dabilen IKTei buruzko bideo bat

Kaixo, hizkuntza ulertzen ez dugunontzako, zaila da zer dioen jakitea. Dena den, gaiari buruz hainbeste irakurri eta gero, hainbat gauza igarri daitezke, marrazkien bidez.

Ezer lortzen al da teknologia berriekin metodologia aldatu ezean?

Aupa lagunak, izenburuan klik eginez jakingo duzue erantzuna.

Urriaren 5etik 11ra eginbeharrekoak

Aupa,

Atzo hitzartuakoaren arabera hona hemen egin beharrekoak:

• Ane: foroan zalantzak idatzi. Akta idatzi. Hipotesien posta blogean txertatu eta moodlean jarri URLa. OK
• Aitor: prestakuntza beharren zerrenda idatzi eta moodlera igo. OK
• Egoi eta Iker: laburpenak blogera igo.
• Egoi: erabiltzeailearen izena aldatu. Ideia nagusiak txertatzeko tabla egin eta doc eta blogera igo.
• Denok: gure inguruko irakasleei zer formakuntza teknologikoa duten galdetu. Kurtsoen bat egin duten, lizentziaren bat eskatzen dieten...
• Denok: eztabaidaguneko gaiak jarraitu eta pausoren baten linka moddle-era igo behar bada, igo.
• Denok: gure testuen ideia nagusiak Egoik eginiko tablan idatzi (blogean).
• Argazki esanguratsuen bat aurkituz gero gorde eta linka apuntatu.

Hurrengo bilera: urriak 11, arratsaldeko 5etan magiseko ikasgelan
Aste buru ona izan eta zalantzarik izan ezkero deitu!

Interneten erabilera etikoari buruz

Interneta eta bertan aurki ditzakegun hainbat lanabes gutako askoren egunerokoaren parte dira, eta hainbat eta hainbat ikaslerena izango dira etorkizunean. Laguntza eskerga eskaintzen digute unean-unean izaten ditugun behar konkretutan, baina... hain eskura dagoen informazio eskaintzak eta datu-dantzak ez ote du alde ilunik? Hona Argia aldizkarian Gorka Bereziartuak duela hilabete "ahanztura digitala"-ri buruz idatzitako artikulua. Interesgarria benetan, eta hausnarketarako bidea ematen duena: "Ahanztura digitala: Google, ez zaitez nirekin akordatu".

3. SAKONTZEN: Eskola 2.0

Gaur egungo Hezkuntzaren erronka Oinarrizko Konpetentzietan dagoela esan dezakegu.Hiritar digital autonomoak, kritikoak eta sortzaileak lortzea izango dugu helburua eta “Gaitasun digitala” garatzeko bide horretan IKTen laguntza beharrezkoa dugula kontutatu gara.Duela hiru urtetik honuntza, irakaskuntza-ikaskuntza prozesu honetan IKTak beharrezko baliabideez horniturik, heziketan eragiteko programa berri bat jarri da martxan, Eskola 2.0 hain zuzen ere.

Eskola 2.0 proiektua ikasgelen digitalizazioaren aldeko apustua da, azken finean, heziketa kalitatea hobetzea izango da helburua eta honetarako, ohiko ikasgelak ikasgela digitalak bilakatu, irakasleak IKTdun gaitasunetan trebatu, ikasgeletako metodologia aldaketari lagundu eta lan dinamikoa, partehartzailea eta beste ikastetxeekin lankidetzan eta sarean emango den heziketa sustatuko ditu.

2.0 Eskola programak aurrerapauso handia ekarri du; izan ere, Hezkuntzan Informazioaren eta komunikazioaren teknologia berriak sartu ditu eta 2010. urteko ikasturtetik aurrera Lehen Hezkuntzako hirugarren zikloko ikasgelak guztiz digitalizaturik eta irakasleak software librea eta metodologia berriak erabiltzeko prestaturik etorri zaizkigu.

Gaur egun, Teknologiaren benetako integrazioak hiru ezagutza motaren arteko erlazioa ulertzea eta negoziatzea eskatzen du: Ezagutza disziplinarra, Ezagutza pedagogikoa eta Ezagutza teknologikoa (TRACK).Integrazio honetan Lehen Hezkuntzako irakasle batek arrakasta izateko hiru ezagutza mota hauen uztarketa egokia egitea beharrezkoa izango du.Irakaskuntza-ikaskuntza prozesuaren antolaketa berria proposatzen dugu, “Indagazioan oinarrituriko Aurkikuntza Gidatuaren bitarteko Lankidetza ikaskuntza”.Planteamendu berri honek ikasleen partehartze aktiboa behar du, beraiek galdetu, ikertu, sortu, eztabaidatu eta hausnartu behar baitute.
Eskola 2.0, aplikazioak baino gehiago interneten jarduteko web 2.0 jarrera lantzean datza; ezagutza partekatua, lankidetza ON-line, sormena, aplikazio tresnak sarean eta erabilerreztasuna bultzatu nahi da.

Irakaslegoaren prestakuntzari dagokionez hiru mailatakoa planteatu da: Oinarrizkoa (Oinarrizko IKt gaitasunak, Ofimatika, Sistema eragilea eta interneta); ertaina (Arbel digital interaktiboaren erabilera didaktikoa) eta aurreratua (Web 2.0 tresnen multzoa eta bere aplikazioa ikasgelan).

Irakasleak prestatzeko, gai teknikoak ez ezik, alderdi metedologikoak ere oso kontuan hartu dira, Oinarrizko gaitasunak, digitala bereziki, aintzat hartuz.Beraz, metodologia aldaketari eragin dio, irakaspraktika hobetuz, Kurrikulumeko gaitasunen lana indartuz eta lankidetza proiektuak abian jarriz.

Edukiei dagokionez, interneten erabili daitezkeen materialen gida bat prestatu da eta metodologia- proposamen guztiak aurrera ateratzeko material bereziak jarri dira eta nahi dituen beste aldaketa sartu ahal izateko aukera izango du irakasleak.

Bukatzeko, esan, irakaskuntza-ikaskuntza prozesu honetan, IKTak beste laguntza tresna bat bezala hartuko ditugula eta ezingo dutela inoiz eguneroko esperientziak eta indagazioak ematen diguna (ikaskuntza aktiboa) ordezkatu, heziketa kalitatea hobetzen lagundu baizik.

3. SAKONTZEN: Eskola 2.0 - Iritziak -

Hona proiektuari buruzko iritzi bat. Saiatuko naiz gehiago bilatzen (Izenburua da link-a).

3. SAKONTZEN: Eskola 2.0 - Bertsio ofiziala -

Hona hemen eskola 2.0 proiektuan murgildua dagoen enpresetako batek proiektuari buruz dioena:
http://www.virtualware.es/es/noticia/actualidad-virtualware/comienza-el-despliegue-tecnologico-del-programa-eskola-2-0.aspx

Bestalde, Victor Bermejoren azalpenak (Berritzegunea):

Berriz ere Berritzeguneetako Victor Bermejoren azalpenak eskola 2.0 proiektuari buruz, modu sakonagoan:

3. SAKONTZEN: The epic sillabus, condensed version

Ane Barrenetxea: The epic sillabus, condensed version
Europako pedagogiako IKT lizentziaren arabera, egungo irakasleak IKTen ingurua hainbat gaitasun izan behar dituzte. Batzuk derrigorrezkoak izango dira eta beste batzuk hautazkoak.

Derrigorrezkoak:
• IKTak ikaskuntza/irakaskuntzan erabiltzea.
• Ordenagailuaren inguruan oinarrizko ezagupenak izatea: mantenamendua; sofwarden instalakuntza; birusen kontrola; interneten nabigazioa; eskolako portaleren maneiua; informatikako kontzeptu garrantzitsuenak ezagutzea …
• Sarean informazioa bilatzea eta komunikatzea: ikasleak sarean informazio askoren aurrean aurkitzen direnez irakasleek garrantzitsua dena aukeratzen irakatsi behar diete. Horretarako, irakasleak webak ebaluatuko dituzte; sarean beste profesionalekin lankidetzan arituko dira; jabetza intelektualaren eskubideei buruzko alderdiak ezagutuko dituzte; bideokonferentzia eta emailak erabiliko dituzte; testu-lanketako programak ezagutuko dituzte; beste irakasle, guraso edota ikasleekin elkarlanean arituko dira …
• IKTak eskolaren berrikuntzan: IKTek eskolaren gestioari gardentasuna emateaz aparte, berrikuntza eta ekintza digitalei ateak irekitzen dizkiote.

Hautazkoak:
• Irudi digitalen sorkuntza
• Aurkezpen digitalak egitea
• Spreed sheetak erabiltzea
• Datu base birtualak eratzea
• …

3. SAKONTZEN: Materialaren Sintesia. Ordenagailuak maneiatzeko europar agiria "ECDL-ICDL"

Informaziorako teknologien oinarrizko kontzeptuak: Ordenagailu baten oinarrizko osagai fisikoak eta oinarrizko kontzeptuen erabilpen praktikoak ezagutzean datza. Baita bizitzan zehar teknologia hauen non aurkituko diren ezagutu eta beraiek dituzten arriskuen jabetzean ere.

Ordenagailuaren erabilpena eta fitxategien kudeaketa: Ordenagailu baten egikaritze sistemako oinarrizko ezagutzak jakin eta ordenagailuarekin ohiko aplikazioak maneiatzen moldatzean datza, helbideratze eta fitxategiak efizienteki maneiatuaz kudeaketa egoki baterako.

Testu prozesatzailea: Testu bat korreoz hedatu bitartean bere osaketan eman beharreko pausu ezberdinak jakitean datza eta baita testu prozesatzaile horrek bere baitan izango dituen aplikazio oinarrizkoenak egiten jakitean ere.

Kalkulu orriak: Kalkulu orriak dituen oinarrizko aplikazioak jakitean datza, hala nola formatu egoki bat eman dokumentuari edo lan ezberdinak egiteko aringarri suertatuko zaizkigun formulak erabiltzen jakin edo eta objektuak inportatu eta diagrama nahiz grafikoak erabiltzea.

Datu baseak: Datu baseen oinarrizko aplikazioak maneiatzen jakitean datza. Alde batetik datu base sinple bat sortzeko gaitasuna legoke eta beste aldetik datu base batetik behar den informazioa lortzeko gai izatea, horretarako beharrezko kontsultak egin eta dagozkion urratsak emanaz.

Aurkezpena: Erabiltzaileak oinarrizko kontzeptuetan oinarrituaz aurkezpen mota ezberdinak egiten moldatzean datza, aplikazioak ezberdinak erabiliaz formatu egokia emanaz eta horretarako eskuragarri dauden aplikazioak erabiliaz.

Informazio eta Komunikazioa: Bi Alberdi izango ditu. Alde batetik Internet bidez behar den informazioa aurkitzeko gaitasuna legoKe. Beste aldetik erabiltzaileak Internet bidez dokumentuak elkartrukatzen eta horretarako dokumentu nahiz fitxategiekin behar bezala lan egiten jakitean datza.

3. SAKONTZEN: Nativos Dígitales, Inmigrantes Digital "Marc Prensky"

Ikasleen perfilak historian zehar beti izan ditu aldaketak baina gaur egungo ikasleak aldaketa nabarmenagoa izan dute, 21. mendearen amaieran ailegatu eta zabaldutako teknologia digitala dela eta, hezkuntza sistema zaharkitua geratu delarik.

Egungo gizartean, teknologia berriekin duten erlazioarengatik etorkinak eta berezkoak bereiz ditzakegu. Lehenengoak hazi ondoren jaso dituzte teknologia hauen ezagupenak, berezkoak aldiz teknologia berri hauekin hazi eta hezi dira eta ondorioz, pentsatu eta informazioak prozesatzeko modu ezberdina dute.

Ondorioz egungo irakasteko moduak ezberdina behar du izan, etorkinek egokitu behar dutelarik berezkoen moduetara. Etorkinek egin dezaketen gauzarik zentzuzkoena ikasleengandik ezagupen hauek jasotzea da.

Berezkoen moduetara behar bezala egokitzen hasteko metodologia eta edukiak aldatu behar dira. Metodologian, irakasleek ikasleen hizkuntza eta moduan komunikatzen ikasi behar dute, azkarrago. Edukiei dagokienez Ondarea eta Etorkizuna ezberdinduko dira. Lehenengoan irakurketa, idazketa, ulermena, aritmetika, pentsamendu logikoa, iraganeko ideiak, etab.. landuko dira. Etorkizunean teknologia eta digitalizazioa landuko da eta software, hardware edo eta robotika edukiez gain, lotura duten etika, politika edo soziologia gaiak ere landuko dira adibidez.

Ondarea eta Etorkizuna berezkoen hizkuntzan irakatsi behar dira, horretarako ondarearen kasuan itzulketa handiago bat nahiz metodologia aldaketa bat eta etorkizunari dagokionez, eduki eta pentsamendu berrien plus hori izan behar dutelarik.

3. SAKONTZEN: Los ordenadores provocadores de emociones

Ane Barrenetxea: Los ordenadores provocadores de emociones

Lehenengo artikulu hau, IKTek irakasleen emoziotan sortzen duten eraginari buruzkoa da, gizakioi ordenagailu eta bestelako aparailuek sentimenduak eragiten baitizkigute. Gai honen inguruan testuan bi kontzeptu agertzen dira: Teknofobia eta Teknofibia.

Teknofobia, ordenagailuak eta bestelako aparatu elektronikoak baztertzera eta ezestera bultzatzen duen jarrera da. Teknofobikoek IKTek ikaskuntza prozesuan onurarik ez dutela sortzen usten dute eta gehienetan IKTak maneiatzeko ziurtasun falta edo eta ezjakintasuna dute. Fenomeno hau normalean irakasle helduetan ematen da, hauek gazteak zirenean ez baitzituzten teknologia berriak erabiltzen eta hortaz egun ez dute ziurtasun handirik sentitzen berrikuntza teknologiko hauek maneiatzerako orduan.

Postura honen guztiz kontrakoak Teknifibikoak dira. Hauek ikaskuntzan eman daiteken edozein arazo teknologiaren bitartez konpondu daitekeela pentsatzen dute. Pertsona hauek beti daude azken teknologia berria izateko eta erabiltzeko prest.

Orokorrean, irakasleak nahiko ezkor jokatzen dute IKTak bere irakaskuntza metodologietan txertatzeko orduan. Hau hainbat arazoren emaitza da: IKTetan formakuntza falta; IKT ikaskuntzan sortzen duten onuren berri ematen duten emaitza gutxi izatea; ordenagailuak irakasleak ordezkatuko dutenaren ustea edukitzea …

Bukatzeko, testuak IKTek irakasle eta ikasleei ikaskuntza prozesuan onura anitz ematen dizkioten arren, desberdintasun sozial ugariren sortzaile dela ere adierazten du. IKTak ez daude mundu guztiaren eskuragai eta ondorioz bi motatako hiritarrak sortarazten dira:IKTdunak eta IKTgabeak. Honek garapenak teknologiarekin zerikusi zuzena ez duela ondoriozta dezake. Adibide gisa, munduan hainbat biztanle daude zeintzuk osasun eta gizarte zerbitzuak eduki ez arren etxean telebista edo eta bestelako aparailu elektrikoren jabe dira.

3. SAKONTZEN: Informazio eta Komunikazio Teknologiak Lehen Hezkuntzan

XXI. mende hasiera honetan, eskolak ezin die Informazio eta Komunikazio Teknologia berriei bizkarra eman. Hargatik, egun oraindik nagusi diren materialek, liburuek, etorkizunekoekin elkarbizitzan biziraun beharko dutela dirudi.

Baina IKTak gelan sartze hutsak ez du berez hezkuntza hobetzen, ez ditu ikasleak bereziki motibatzen, ez eta ikaskuntza errazten ere; eta batez ere, ezin ditugu liburua nagusi zeneko metodologia bera aplikatzeko erabili. IKT-ek berrikuntza teknologikoak ekarri dizkigute baina hezkuntzan baliagarriak izan daitezen, haien potentzialari ahalik eta etekin gehien aterako dien pedagogia sortu beharra dago. Horretarako, Hezkuntza sistema osoaren eraldaketa beharrezkoa da.

XXI. mendeko kultura multimodala da: hainbat euskarri kontuan hartuta adierazten, produzitzen eta zabaltzen da, eta hainbat hizkuntza eta formatu desberdinen bidez. Horregatik, horiek guztiak txertatu behar dira hezkuntza sisteman, eta aurrerabideen abiadura eta garapena ikusita, ikasleak bizi osoko ikaskuntza prozesu batean murgiltzea (ikasten ikastea) beharrezkoa da, teknologia berrien erabiltzaile arduratsu eta kritiko moduan. Guzti honetarako ezinbesteko den multialfabetizazioak 4 dimentsio nagusi ditu:

• Dimentsio instrumentala: Softwarea eta Hardwarea erabiltzen jakitea.
• Dimentsio kognitiboa: ikaskuntza esanguratsua helburu, informazioa modu eraginkorrean lantzea eta komunikatzea.
• Jarrera sozialen Dimentsioa: Teknofobia eta teknofiliaren arteko oreka mantentzea.
• Dimentsio Axiologikoa: Informazioa kritikoki aztertu eta modu etikoan zabaltzea.

Multialfabetizazioak irakasleen egunerokoan duen eragina eta sortzen dituen erronka berriak:

• Ikasleak informazioz gaindituta datoz, baina horrek ez du esan nahi gehiago dakitenik. Jakintza eraikitzen eta ikaskuntza esanguratsua lortzen erakutsi behar diegu, baita informazioa modu erreflexibo, kritiko eta etikoan erabiltzen ere.
• Ordenagailuekin ari garenean, gelako esperientzia desberdina da ikasle bakoitzarentzako, arek erabakitzen baitu bere lanean hartu beharreko bidea. Beraz, ez dago ikaskuntza homogeneo eta erritmo bakarrekorik.
• Irakaslea jada ez da orojakile izango (ikasleek lantresnak hobeto menperatzea onartu egin behar du) eta ezta informazioaren jabe bakarra ere.
• Gure zeregina, ikasketa prozesua antolatzea, proiektuak proposatzea, gidatzea, zuzentzea eta ebaluatzea izango da, erronka nagusia, IKTen erabilera egokia eta ikasgaien helburuak uztartzea izango delarik. Ikasleek beraiek euren lan plangintzak eratzea lortu beharko dugu, IKT-ak erabiliz proposatzen zaizkien erronkei erantzun onargarriak eman diezazkieten, azkenik, euskarri digitaletan ezagutzera eman beharko dituztelarik. Beraz, ikasleek, "gauzak eginez" ikasiko dute IKT-ak erabiltzen. Inprobisazioa saihestuko dugu, eta denborak ongi neurtuko ditugu.
• Aprendizaia, esperientzia indibiduala izatetik elkarlanean oinarritua izatera igaroko da, eta askotan, gelako lau hormak gainditzen dituen errealitateekin jokatu beharko dugu. Hala ere, honek ez du esan nahi bakarkako lana saihestu behar denik.
• Multialfabetizazioa ikasgai guztietan txertatzen asmatu beharra dago. Gelan lantzen diren eduki kurrikular guztiekin aplikagarriak izan behar dute. Era berean, unitate didaktikoak edo aktibitate jakinak planteatzerakoan, argi izan behar dugu zein konpetentzia edo gaitasun digital landu nahi ditugun eta kurrikulumeko edukiekin zuzenean erlazionaturik egon behar dute.

Manuel Area Moreiraren "La competencia digital e informacional en la escuela" testutik ateratako ondorioen laburpen edo sintesia.

2. ANALIZATU: Taldeko aurre ezagutzak eta ikaskuntza beharrak definitu

Zer dakigu arazo honen inguruan? Zeintzuk dira gure gabezi kontzeptualak?

Lehendabiziko klasean "etorkin digitala", "natibo digitala", "teknofobia" eta "teknofilia" bezalako kontzeptuak aipatu ziren. Zalantzarik gabe, IKTen erabilerari loturik dauden kontzeptuak dira, eta gauzak kokatzen eta ulertzen asko lagundu baziguten ere, gu ez ginen identifikatuegiak sentitu. Nahi baldin bada, adinarengatik, "etorkin digitalak" garela onartu beharko dugu, baina uste dugu, jarrerari dagokionean, nahiko ongi "integraturik" gaudela "gizarte berri" horretan, edo gutxienez, ahaleginak egiten ditugula "bertako hizkuntza" ikasi eta "erabiltzeko".

Hala ere, kontzeptu horiek ezkutatzen dituzten jarrerak, guregan baino askoz ere modu nabarmenagoan antzeman ditugu, adibidez, gure fakultateko zenbait irakasleren artean. Moodle-a erabili nahi ez dutenak, erabiltzen duten itxurak egiten dituztenak, behin plataforma informatiko batean trebatu eta horretan geratu direnak aurrera egiteko asmorik gabe, teknologia berriek eskaintzen dituzten aukeretan sinesten ez dutenak eta lotsarik gabe aitortzen dutenak... Baina batez ere, eta hau ere gure artean komentatu genuen, gutxiengo bat direla, gure ustez, IKTak erabiltzeko pausua eman bai baina horiek eskaintzen dituzten metodologia bide berriak urratzeko prest daudenak. Izan ere, metologiari dagokionez berrikuntzak proposatzen dituzten irakasleak izan ditugu, eta hauen eta gainontzekoen ikasgaiak lantzerakoan desberdintasun nabarmenak sumatu ditugu, batez ere, ikaskuntza esanguratsuari dagokionean.

Nola jakin dezakegu gehiago arazo honen inguruan?

Bestearen jarrera ulertzen saiatzeko, hoberena haren tokian jartzea izaten da askotan, eta horixe egiten saiatu ginen. Zein motatako laguntza, aholkularitza, prestakuntza edo motibazioa izan dezakete irakasle horiek irakaskuntza molde berri horietan murgiltzeko? Hortxe hasi ziren gure zalantzak nabarmentzen, eta are gehiago, galdera unibertsitate eremutik atera eta egungo Lehen Hezkuntzaren esparrura bideratu genuenean.

Isiltasuna eta zalantza nagusitu ziren batak besteari gaur egungo ikastetxeetan bizi den errealitatea zein ote den elkarri galdetu genionean.

Zein prestakuntza digital jasotzen du LHko irakasle batek? Zeinek eskaintzen dio halakorik? Ikasketak egiterakoan? Lan egingo duen zentroan emango diote? Delegaritzak? Gobernuak? Bere kabuz egin beharreko bidea da?

Guzti honekin, irakasleek beharrezko prestakuntza bat izatea funtsezkoa dela konturatu ginen eta honako zerrenda bat osatu genuen:

• Arlo teknikoa menperatu: Kableatu muntaia, ordenagailua piztu eta itzali...
• Oinarrizko ezagutzak: Sarean informazioa bilatu ( Mozilla ), posta elektronikoa menperatu ( Gmail-a, testuak editatu Open Office-kin ), testuak argitaratu eta partekatu GDocs-ekin, aurkezpen bat diseinatu Inpress-ekin eta IKT gida metodologikoak erabili.
• Eskola barruko IKT arduradunaren "figura" ezartzea edozein arazoren aurrean irakasleak bere laguntza eduki ahal izateko.

Guk dakigula, duela hiru bat urte abian den eskola 2.0 proiektuari buruz ere, sortu ziren zalantzak, noski.

-Eskola publikoetan aplikatzen da soilik, ala kontzertatuetan ere?

-Zein metodologia jarraitzen dute?

-Zein helburu pedagogiko ditu?

-Ikasgai guztietan aplikatzen al da?

-Zer diote irakasleek proiektuari buruz?

-Zein dira ebaluazio irizpideak, eta zein modutako lotura du ekimenak egungo kurrikulumarekin?

Galderak asko ziren, eta horiek erantzuteko bideak jorratzen hasi ginen; nolabait ere, zein ate jo behar genuen zehazten: irakaskuntzan lanean dauzkagun lankideak, ezagunak eta erakunde ofizialak, erakunde ofizialen web guneak, gaia lantzen duten web guneak, ...

Ondoren, gure buruak horrelako errealitate batean irudikatzen saiatu ginen, eta planteatu zaigun galderak erantzun zaila duela ohartu gara. Lanean hasteko garaia da:

Lehen Hezkuntzako irakasle bezala, ze formakuntza teknologikoa behar dugu?

1. ULERTU: Taldeko hipotesien idazketa

LEHEN HEZKUNTZAKO IRAKASLE BEZALA, ZER FORMAKUNTZA TEKNOLOGIKOA BEHAR DUT?

• Bere ikasgaiarekin zer ikusia duten baliabide teknologikoak ezagutu beharko ditu.
• Internet bitarteko komunikazioa erabiliko du.
• IKT baliabideak ezagutu eta erabiliko ditu.
• Informazioa tratatzeko, planifikatzeko eta aurkezteko IKTez baliatuko da.
• IKTen bitartez, irakasle, familia eta administrazioarekin elkarlanean arituko da.

INFORMAZIOA ETA KOMUNIKAZIO ZEIN TRESNA TEKNOLOGIKO ERABILTZEN DIRA EGUNGO GIZARTEAN?

• Ordenadorea + periferikoak
• MP3, MP4
• USB
• Mugikorra
• GPS
• Bideo kamara, argazki kamera
• Telebista
• Irratia
• E-book
• Smart phone
• Sare sozialak
• Web cam